中环快闪 最大型本地文创节 啤酒特饮＋惹味美食＋Bus

（Presented by Hoegaarden）

8月盛夏气温持续飙升，搞到成日都好想饮返杯透心凉嘅冰冻啤酒，不如下个周末约埋朋友过嚟中环「赏想文创节@中环夏誌」，边歎住Hoegaarden主题啤酒特饮，边大啖各式惹味小食，同时欣赏现场Busking音乐演出，仲可以逛匀300个来自亚洲嘅设计摊位，最后参加埋多个趣味DIY工作坊，到时预计会有超过十万人聚首狂欢！

最大型本土文创节

今年踏入3周年嘅「赏想文创节 @ 中环夏誌」，係由拥有600年历史嘅正宗比利时小麦啤酒品牌 Hoegaarden ，联同本地手作平台赏想（Think of a Style）同 Central Venue Management （CVM）合办，一年一度全港最大型本土文创嘉年华「赏想文创节 @ 中环夏誌」！活动分为两部分，第一部分「中环夏誌」已喺7至8月提供各种免费夏日活动；而一连三日嘅「赏想文创节」就係整个活动嘅谢幕礼。

Hoegaarden 透心凉夏日特饮

炎炎夏日有咩比同老友相聚草地上，歎住啤酒倾偈放鬆心情爽呢？「The Gaarden」会提供经典嘅 White 同 Rosée 啤酒外，Hoegaarden 更为今次活动特别调製咗两款红白啤酒鸡尾酒，同埋另外一款全新零酒精西柚味啤酒。只要你喺呢三晚，指定时段（晚上7至9点）嚟歎欢乐时光，仲有买一送一优惠！

美食市集汇聚百般滋味

今次Hoegaarden 更同 Café Deco 同 Food Panda 合作炮製多种滋味佐酒食物。前者旗下三个品牌Beerliner German Bar & Restaurant、Stormies 同 2/3 Dolci ，为大家炮製烟燻香肠卷、三文鱼香肠配烟三文鱼、得奖冠军肉肠同德式苹果卷配杂莓酱等经典德式美食。Stormies就提供惹味兼可选鸡肉或手撕猪肉馅料嘅墨西哥软粟米馅饼、香料芝士烤原条粟米和淋上芝士酱、牛油果酱、酸忌廉同番茄莎莎嘅墨西哥脆片。2/3 Dolci 就会为大家带嚟多款手工消暑甜点，包括意大利雪糕与雪葩、即场烤製嘅棉花糖意大利雪糕棒，同埋比利时窝夫雪糕三文治。

一千块蛋糕免费请你食

最后一定要试食大会独家製作嘅1,000块 Hoegaarden Rosée蛋糕呀！只要到Hoegaarden facebook 专页讚好，并喺「The Gaarden」内影一张照片，上载到个人IG，再附上 #Hoegaardenhk 、 #TheGaarden 和 #ThinkofaStyle，就可以获得免费蛋糕乙件㗎啦！

简便美食订购应用程式

Hoegaarden 同 Food Panda 合作推出简便美食订购系统，只要登入Food Panda 应用程式，进入「The Gaarden」嘅餐饮摊位名单中挑选菜式，系统就会为你安排食物、分配轮候号码，当订单準备就绪，应用程式就会提你领取食物，方便易用！凡喺场内光顾任何餐饮摊位，或经Food Panda 应用程式订购场内美食，均可以优惠价 $60（原价$75） 加配500毫升Hoegaarden White/Rosée；亦可以 $35（原价$45）加配 500毫升无酒精 Hoegaarden Radler 0.0%。

响应可持续发展生活

为咗避免产生大量即弃塑胶杯，今次主办单位更同本地环保初创公司 BottLess 合作，为活动提供可重用酒杯，真正做到零浪费、无塑胶同无饮管。每杯饮品售价里面嘅$10将当做酒杯按金，等最后归还酒杯时退返。而一系列手工艺工作坊，都会积极宣扬循环再造及升级再造嘅概念。

仙乐飘飘 「The Gaarden」

好音乐可以疗癒心灵，活动一连三日都安排咗无间断Busking音乐演出。另外，赏想 Think of a Style 亦邀请咗非政府机构「国际青年商会」，同各位年轻人分享有关爱与人际关係嘅课题。

全方位感官新体验

Hoegaarden多年嚟强调融入社区，同时积极推动本土手作工艺创作，所以今次市集就邀请咗300位来自香港、日本同台湾等亚洲地区嘅设计师同手作家，展现自家创作嘅手工艺，好似珠宝配饰、服装、花艺同蜡烛等，同场又有趣味 DIY 工作坊畀大家参加。

手工艺工作坊

除咗选购独一无二嘅手作工艺品外，你更可以参加DIY 工作坊发挥创意。先由扎染体验坊考考自己手艺，自创真正充满个人风格嘅扎染 Tote Bag ，以后就可以伴你四处闯蕩！杯垫彩绘创作坊畀你专注喺缤纷色彩里面放鬆身心，而皮革匙扣创作坊则可以激发你潜在嘅艺术感。只需喺现场购买3杯 Hoegaarden 饮品，就可以参加当日其中一节工作坊啦！每节名额有限，先到先得。

Hoegaarden 呈献赏想文创节@中环夏誌

开放

开放时间：每日3pm-9pm

地点：中环海滨活动空间C、D区（会场入口近添马公园）

活动网址